28. mars 2013

Hæhæ

Svo ég var í skólanum um daginn og ég áttaði mig á því að ég á bara rúmlega 4 mánuði þangað til að ég kem heim. Þetta er búið að vera svo fljótt að líða, að ég fór í hálfgert sjokk. Svo fór ég að tala við Fruzsi og hún var heldur ekki búin að átta sig á því hvað það er stuttur tími eftir. Svo fórum við að hafa áhyggjur af því hvað við ættum eftir að læra mikið í spænsku áður en við færum heim og við erum að reyna að finna leiðir til að hjálpa okkur að læra hraðar. Svo ég er farin að horfa á myndir á spænsku og lesa spænskar bækur sem ég er búin að lesa áður, annað hvort á íslensku eða ensku. Vona að það hjálpi eitthvað.
Síðan erum við Fruzsi líka að reyna að finna einhverja leið til að geta tekið Platanoes með okkur heim, vitum ekki alveg hvort að við getum það. Pabbi minn sagði að við gætum hugsanlega reynt að frysta þá.
Það er búið að vera rosa gaman í skólanum, ég var með kynningu í spænsku á spænsku. Ekkert smá stolt af sjálfri mér. Þemað var Grísk goðafræði og hver nemandi fékk ákveðið umræðuefni. Ég talaði um 'the Sirens'. Svo ég gerði kynningu og þýddi síðan yfir á spænsku sem gerði kynninguna frekar skrýtna því Sirens á spænsku er Sirenas og þýðir hafmeyjur, en the sirens í grískri goðafræði eru ekki hafmeyjur heldur blanda af konum og fuglum. Kennarinn sagði að ég væri með góða kynningu, með rosagóðar upplýsingar (aðalega vegna þess að ég vissi að 'the Sirens' væru ekki hafmeyjur) og að ég gerði fáar villur í spænskunni.
Núna í dag eru blóðmítlar búnir að vera út um allt. Ég fann einn á Lecter og plokkaði hann af, hann var alveg pikk fastur og það tók mig smá tíma að ná honum af. Síðan kramdi ég ógeðið (eina kvikindið sem mér finnst ekki óþæginlegt að drepa, fyrir utan mosquito flugurnar). Síðan sá ég tvo aðra skríðandi um svo ég kramdi þá líka. Síðan þegar ég ætlaði aftur inn, sá ég þá ekki skríðandi um sprell lifandi. Ekkert smá eftitt að drepa þá, ég kramdi þá næstum í tvennt en samt deyja þeir ekki en ég held að mér hafi tekist það á endanum. Síðan var einn kominn inn í húsið, drap hann og fór með hann út. Þetta er í fyrsta sinn sem ég sé þá hérna en er búin að vita allan tíman að það er hellingur af þeim í garðinum. Aumingja Lecter er alltaf með þá hangandi á sér út um allt.
Pabbi minn sagði að við ætluðum kannski í ferðalag til Bocas del Toro í júní og fara út í eyjuna þar, en það er bara kannski. Mig langar samt rosa mikið að fara. Þetta er rétt hjá landamærum Costa Rica og það er víst rosalega fallegt þar og mig langar rosa mikið að fara þangað. Fruzsi fór þangað með fjöslkyldunni sinni frá Ungverjalandi þegar þau komu í heimskókn og sagði að það væri rosalega gaman en frekar langt að keyra, 12 klukkutíma akstur.
Á þriðjudags kvöldi var fótbolta leikur, Panama vs Honduras. Ég fór með systrum mínum og Evu að horfa á hann á einhverjum stað þar sem vinir Xeniu og annað fólk kom til að horfa á leikinn. Panama vann 2-0 og allir voru rosa kátir. Síðan eftir leikinn héngum við þarna til klukkan tvö um nóttina, við Estefany vorum svakalega þreyttar enda vaknaði ég klukkan 5, en Estefany svaf yfir sig til klukkan 5:45, til að fara í skólann. En það var svaka gaman, vinir Xeniu eru mjög hressir og skemmtilegir.
En ég hef ekki mikið að annað að segja í bili.
Veit ekki alveg hvort mig hlakki til að fara heim eða kvíði fyrir.

Þangað til næst,
góðar kveðjur frá Panamá.

Tré rétt hjá skólanum mínum við sólar upprás

Fugl sem kom og settist á grein rétt hjá mér

Ég á leiðinni af fara að horfa á leikinn í bol sem ég fékk lánaðann hjá pabba 

Graðir gaurar: 126

Spurningar bloggsins:

1. Afhverju deyja blóðmítlar ekki?
2. Afhverju er tíminn svona fljótur að líða?
3. Afhverju er aumingja Lecter alltaf veikur?
4. Afhverju er mamma mín alltaf að rífast við alla?
5. Afhverju er skólinn svona skrítinn, alltaf að rugla tímunum saman og hætta snemma?

16. mars 2013

hæhæ allir saman

Nú er orðið svoldið langt síðan ég bloggaði, svo byrjum bara á byrjuninni. Ekki seinsustu helgi heldur þar seinustu kom fjölskylda pabba míns í heimsókn. Það var bara mjög gaman, eins og venjulega var tónlist spiluð og svo fóru allir að spila á spil og spiluðu upp á smápening. Carlo Augustine kom, frændi minn sem var hjá okkur í byrjun dvalarinnar, og litli bróðir hans José Agusto. José er u.þ.b. 10-11 ára og vildi endilega hjálpa mér að læra spænsku og tók litlu orðabókina mína og fór að lesa upp orð úr henni. Síðan daginn eftir fór ég með systur pabba míns, mömmu Carlo og José, systrum mínum og annari systur pabba míns í Westland mall. Við fórum í nokkrar búðir og þegar við fórum í Via Vai, sem er ein af uppáhalds búðunum mínum hérna með skó og skartgripi, sá ég hrikalega flotta skó á útsölu, 15 dollarar, og ákvað að kaupa þá þótt að ég ætti lítinn pening eftir en þá kom frænka mín og sagðist ætla að kaupa þá fyrir mig. Síðan keypti hún líka skó handa Xeniu. Síðan fórum við heim því þau þurftu að fara að leggja af stað heim svo þau væru ekki of seint á ferðinni.
Síðan leið vikan bara ósköp venjulega, skóli og frekar mikið heimanám, en samt ekkert miðað við Ísland. Og þá viku komu Amarens í skólann fjóra daga og Fruzsi  alla vikunadaga, hugsið ykkur bara. Svo seinustu helgi fórum ég með systrum mínum og Evu, til frænku minnar og frænda, Carlo og José í heimsókn í Santiago og vorum þar yfir helgina. Að keyra til Santiago er aðeins lengra en til Las Tablas. Þetta var bara mjög kósí og frænka mín var að gefa Xeniu alls konar dót sem hún notaði ekki lengur, veski, skó og skartgripi. Og þá skartgripi sem Xenia vildi ekki fékk ég og svo gaf hún mér eina peysu sem er gott að nota á Íslandi. Svo ég fékk sem sagt fullan skókassa af skartgripum, eina peysu og eitt veski. Og auðvitað þakkaði ég frænku minni kærlega fyrir. Svo um nóttina fékk ég loksins að sofa í loftkældu herbergi. Daginn eftir fórum við út að borða og ég fékk loks mat sem ég kannast við, fyrir utan pizzu, Aspassúpu sem var ekkert smá góð. Það var frekar fyndið að sjá allt kjötið á diskunum í kring um mig og svo grænu súpuna mína. Svo í hádegismat eldaði systir mín svaka gott Tacos. Síðan fórum við heim, ég og Mario höfðum ætlað að hittast í Westland en ég kom of seint heim fyrir það svo við ákváðum að fara daginn eftir, eftir skóla. En síðan mátti Mario ekki fara þá, heldur á föstudaginn.
Miðvikudaginn var síðan enginn skóli svo Mario ætlaði að koma heim til mín í heimskókn og hitta mömmu mína, því hún vildi hitta hann áður en ég færi með honum í mollið, en síðan skipti mamma hans um skoðun og hann mátti ekki koma en hann mátti fara með mér í mollið. Svo ég spyr pabba minn hvort það sé í lagi og fékk leifi til að fara í mollið. Það var alveg rosa gaman, ég dró Mario með mér í allskonar fatabúðir og honum fannst bara rosa gaman að skoða föt með mér. Svo fórum við í bíó að sjá fyndnustu hryllings mynd sem ég hef nokkurn tíman séð, Mamá. Síðan fórum við heim og mamma fékk að hitta Mario. Síðan ákváðum við að fara aftur í mollið á föstudeginum og mamma mín leifði mér það. Svo í gær fór ég með föt í skólann til að geta skipt um og eftir skóla fór ég heim til Mario og skipti um föt og síðan lögðum við af stað til Westland. Það var aftur alveg hrikalega gaman en við vorum bæði þreyttari. Síðan þegar við ætluðum heim hittum við mömmu hans og ákváðum að bíða þar til hún færi heim til að spara pening. Svo biðum við í klukkutíma eftir að hún væri búin að versla og pabbi hans kæmi að ná í okkur. Svo keyrði pabbi hans mig heim.
Svo í dag fórum við að þrífa húsið hátt og lágt. Síðan seinni partinn fórum við að syngja Karaoke sem var svaka stuð.

En segjum þetta gott í bili
bæjjóspæjjó

Verið að spila hafnabolta í íþróttum

Hundur frænku minnar í Santiago, algjört krútt

Húsið hans Mario, amma hans stendur í hurðinni

Panama er rosa fallegt land :D

Graðir gaurar: 120

Spurningar bloggsins:

1. Afhverju halda allir að ég sé miklu eldri en ég er?

2. Afhverju mátti Mario fara með mér í mollið en ekki koma í heimsókn?

3. Afhverju sussaði háværasti gaurinn í bekknum á annað fólk?

4. Afhverju koma Fruzsi og Amarens aldrei í skólann?

5. Afhverju er hættulegt að taka strætó?

1. mars 2013

hæhæ

jæja þá er ég byrjuð í skólanum aftur. Fyrsti dagurinn var á mánudaginn og ég mætti í skólann og hafði ekki hugmynd um það hvert ég ætti að fara. Stofan sem ég var í fyrir áramót var full af krökkum í bláum skyrtum, en þau eru yngri en við, og næstu stofur voru líka uppteknar. Svo ég labbaði um skólann og vissi ekkert hvað ég ætti að mér að gera. Sá engann sem hafði verið með mér í bekk. Svo var ein konan þarna sem tók eftir því að ég virtist frekar villt og spurði hvar ég ætti að vera. Ég sagði henni að ég væri að fara í 12 bekk og hún fór að leita að listanum fyrir 12 bekk útum allan skólann. Svo loksins fundum við hann en auðvitað var nafnið mitt ekki á listanum en ég þekkti nokkur nöfn af krökkunum sem höfðu verið með mér í bekk svo ég sagði að ég ætti örugglega að vera með þeim. Svo fór hún að spyrja nemendur hvar þessi stofa væri og okkur var leiðbeint þangað. Svo þegar við fundum stofuna þá fattaði ég að það væri búið að blanda báðum bekkjunum saman, þeim sem ég var í og þeim sem Fruzsi og Amarens höfðu verið í, svo ég vissi ekki hvorum ég ætti að vera í þannig að ég ákvað það bara sjálf. Þetta var frekar stuttur dagur svo ég hélt að ég þyrfti að bíða eftir leigubílnum mínum en konan, Aida, var komin snemma.
Daginn eftir tók ég eftir því að þetta skólaár yrði öðruvísi. Við erum actually að gera eitthvað í tímunum og mér finnst ég vera farin að skilja betur spænskuna bara á nokkrum dögum með því að hlusta og reyna að glósa eftir kennurunum. Svo hafði pabbi minn sagt mér að ég þyrfti að fara með einhverja pappíra til skólastjórans til að sækja um skólanám þetta ár, en þá sagði hann mér að það væri ekki laust pláss í þessum árgangi fyrir hádegi og ég þyrfti líklega að koma eftir hádegi í skólann. Hann sagði að bekkirnir væri of stórir, en þetta eru sömu bekkir og í fyrra svo ef þeir eru of stórir núna afhverju voru þeir ekki of stórir þá. Og svo erum við ekki það mörg, 23 með mér og kennurunum finnst við vera ágætlega lítill hópur. Svo ég fatta þetta ekki alveg. En ég fór sem sagt bara aftur í bekkinn minn og ef að einginn kvartar held ég að þetta verið ekkert vandamál. Og um kvöldið kom risastór, ógeðsleg bjöllu fluga (veit ekki hvað hún er kölluð) og ég tók púða og sló hana í burtu og sópaði henni síðan út, en kemur hún síða ekki aftur inn (vegna þess að það er stórt gat á flugnanetinu á hurðinni. Svo flaug hún um í loftinu og ég stend upp, með púðann minn og segi við hana ,,beware, I have a pillow'' og slæ henni út aftur. En allt í einu heyri ég suð í loftinu og hugsa með mér ,,þú gerðir það ekki" lít upp og sé hana fljúga þarna um í rólegheitunum svo ég opna hurðina út á veröndina, sem er gerð úr gleri en ekki flugna neti og slæ henni þar út og lokaði síðan hurðinni og sagði ,,reyndu bara að komast aftur inn núna", sú hurð hélt henni svo loksins úti.
Á miðvikudaginn mætti ég eins og venjulega, 40 mín áður en skólinn byrjar og hitti Caroline, sem talar góða ensku vegna þess að hún bjó í bandaríkjunum. En ég er hins vegar farin að byðja krakkana sem reyna að tala við mig ensku að tala spænsku, því ég þarf að fara að læra þetta blessaða tungumál. Svo nú reyni ég að tala bara ensku í enskutímunum. En allavegana sagði Caroline mér að Anais, vinkona mín frá því í fyrra, hefði ákveðið að hætta skólanum vegna þess að kærastinn hennar hefði beðið hennar. Svo hún er að fara að gifta sig, 17 ára gömul og hætta í námi, sem mér finnst alveg hræðilega heimskulegt en ég get svo sem ekkert gert í því, það er hennar ákvörðun. Í spænsku erum við með heimaverkefni, sem ég hef ekki hugmynd um hvenar við eigum að skila, en það fjallar um gríska goðafræði. Kennarinn úthlutaði okkur hverju sínu verkefni, ég fékk The Sirens, og svo eigum við að búa til kynningu um þau og fara með í tímanum, en eins og ég sagði veit ég ekki hvenar við eigum að vera búin að þessu svo ég flýtti mér bara að skrifa þetta, byrjaði á ensku en pabbi minn ætlar að hjálpa mér að þýða þetta yfir á spænsku um helgina. Í ensku erum við að læra 'faðir vorið' á ensku og eigum að fara með það utanaf næsta föstudag, munnlegt próf. Og svo eigum við að búa til forsíðu fyrir verkefnamöppu með 'faðir vorinu' og einhverjum úrklippum og skila á mánudaginn.
Fimmtudagurinn var frekar venjulegur þangað til í hádegishléinu sá einn kennarinn mig með síma og ég var send til skólastjórans, í fyrsta sinn sem ég hef verið send til skólastjóra á æfinni. En allavegana var það ekkert alvarlegt því ég má sem skiptinemi hafa síma í skólanum ef eitthvað kemur uppá en ég má bara ekki láta hann sjást. Þetta eru alveg fáránlegar reglur því við megum ekki hafa síma en við megum hafa tölvur og spjalla við fólk á fb, við megum ekki hafa Ipod en við megum hlusta á tónlist í tölvunum og svo megum við ekki hafa myndavél en við megum labba um með tölvurnar og taka myndir með webcam. Og svo eru kennararnir alltaf með nefið ofan í símanum í kennslustundunum.
Svo í dag var mjög venjulegur dagur, við fengum fleiri heima verkefni í líffræði og sögu þannig að við höfum þrjú heimaverkefni yfir helgina. Krakkarnir voru að kvarta yfir því að það væri mikið, búa til forsíðu, skrifa niður nokkrar staðreyndir um líffræði og sögu og ég hugsaði bara bitch please þetta kallast varla heimalærdómur, ég meina fimm staðreyndir um líffræði og sögu og forsíða. Lét mig hugsa um öll heimaverkefnin sem ég þarf að gera heim, ritanir og allskonar og ég hef varla tíma til að gera þau öll. Svo þetta er bara ágætt og þá læri ég kannski spænskuna hraðar. Svo vorum við búin klukkan ellefu og ég beið með Marjory (er viss um að það sé skrifað öðruvísi) þar til taxinn minn kæmi klukkan tólf þrjátíu. Svo um kvöldið spilaði ég playstation með Estefany, en ég hef ekki spilað á playstation frá því að ég var lítil og hún rústaði mér alveg.
Fruzsi og Amarens eru ekki búnar að vera þessa viku í skólanum. Fruzsi vegna þess að fjölskylda hennar frá Ungverjalandi var í heimsókn, svo hún byrjar aftur eftir helgina og svo var ég að tala við Amarens í dag og frétti að hún hefði verið í fríi með fjölskyldunni sinni í Costa Rica. Öfunda hana ekkert smá og hún sagði að það hefði verið geðveikt.

Anais sem er að fara að gifta sig

Tilbúin í skólann :P

og ein mynd af Koi vegna þess að ég sakna hennar :(

segjum það gott í bili :)

Graðir gaurar: 108

Spurningar bloggsins:

1. Afhverju eru allar þessar fáránlegu reglur í skólanum?
2. Afhverju koma allar þessar ógeðslegu pöddur inn á kvöldin en láta ekki sjá sig á daginn?
3. Afhverju er mér kennt um óreiðuna inn á baði þegar hún er mest, ef ekki öll, eftir systur mínar?
4. Afhverju er Anais að hætta í skólanum, ég meina kærastinn hennar er líka í námi?
5. Afhverju getum við ekki farið í frí til Costa Rica?